MOIFO WA BOELETSI THEKNOLOJING TSA PUO YA BATHO
Ka kgwedi ya Loetse selemong sa 2000 Komiti ya Tataiso ya Tshebetso e ile ya phetha mosebetsi wa yona mme ka kgwedi ya Mphalane ho ile ha nehelanwa ka pehelo ya ditaba tsa yona ho Lekgotla la PANSALB. Pehelo e ile ya amohelwa mme PANSALB le Tshebeletso ya Puo ya Setjhaba (NSL) di ile tsa etsa tshisinyo e kopanetsweng e lebang ho Letona la Bokgabo, Botjhaba, Saense le Theknoloji ho tswela pele ka tshebetso ena. Letona Ben Ngubane karabelong ya hae o ile a thonya Moifo wa Boeletsi wa Theknoloji tsa Puo ya Batho (HLT) mme a o fa mosebetsi wa hore ba fumana mathata a phethahatso le ditshenyehelo tsa ho ntshetsa pele Theknoloji tsa Puo ya Batho (HLT) Afrika Borwa.
Molaodi ya akaretsang wa Lefapha la Bokgabo, Botjhaba, Saense le Theknoloji (DACST), Ngaka Rob Adam o utlwisisa sena tjena-
teko e bontshang phetoho ya ho theha sesiu bokgoni ba Theknoloji tsa Puo ya Batho (HLT)
le ho phethisa theknoloji ka morero wa ho kgothaletsa tshebediso ya dipuo tse ngata ekasitana le ho thakgola ka pejana ntshetsopele ya dipuo tsa kwano tse behilweng ka mosing.?
Tlhomamiso ya Moifo, mohla la 7 Pudungwane 2001, Pretoria
DITHO TSA MOIFO
BONGODI
PONELOPELE
Ponelopele e kgolo ya Moifo wa Boeletsi ke ho etsa motheo o tla ikgona wa ntshetsopele ya HLT Afrika Borwa e tla e tla dumella tswelopele ya puo e tshwanetseng le tshebediso ya theknoloji ya puo dipuong tsohle tsa mmuso molemong wa ?
i ho kgotsofatsa ditlhoko tsa baahi maemong a fapaneng a ntshetsopele ya Setjhaba se nang le Tsebo e tla iponahatsa dikarolong tse tshwanang le e-governance, e-learning, e-commerce, jwalo jwalo le ii ho fedisa sekgeo sa dipalo tsa dijithale le ho boloka naha e le sehlohlolong sa ditaba tsa tswelopele e akaretsang lefatshe lekaleng la Theknoloji tsa Tsebo le Dikgokahano.
Moifo o lakatsa ho etsa motheo ka bang le seabo sa bohlokwa tabeng ya ho fumana dintlha tsa bohlokwa tse lokelang hore di potlakelwe le ho etsa hore ho be le tshebetso e bang teng ho fihlella dntlha tsena tsa bohlokwa. Kgopolo ke hore motheo ona o tla kopanya mekutu e etswang ke basebetsi ba mefuta e meraro ya bohlokwa:
i Mmuso wa Naha hobane e le baboloki ba dipuo tsa mmuso, ha mmoho le mebuso ya diprovense ekasitana le mebuso ya selehae le mekgatlo eo eseng ya mmuso ka ho phethahala jwalo ka basebedisi ba qetelo ba dihlahiswa tse motjhineng tsa dipuo tse ngata ba habileng hore ba fuwe tshebeletso e ntlafetseng.
Hona e tla e le ho ntlafatsa tshebetso ya tsela ya e-Geteway Initiative ya mmuso wa naha oo qetellong o tla be o sebeletsa baahi ka mokgwa wa elektroniki puong ya kgetho ya bona;
ii Mokgatlo wa poraefete ka tsela e batsi jwalo ka ba ntshetsang pele le basebedisi ba qetelo ba puo le dihlahiswa tsa elektroniki tse thehilweng hodima puo;
iii Dirutehi le mekgatlo ya boemedi e bokellang letlole ba ikarabellang diphuputsong, ntshetsopeleng le ho theha mehlodi ya bokgoni ba tshebetsolekaleng la Theknoloji tsa Puo ya Batho.
Moifo o na le kgopolo ya hore ho qetellwe ho ntsheditswe pele indastri ya HLT Afrika Borwa e tshwanang le Yuropo e sebedisang dipuo tse ngata e teng hona jwale, empa e hlophisitswe le ho etswa hore e nyalane le ditlhoko tsa selehae. Moifo o lokela ho nehelana ka pehelo ka Phato selemong sa 2002.
MOKGWA WA TSHEBETSO
Moifo o dula o kopana kgafetsa mme o tla ikopanya le batho ba bohlokwa ba ka bang le seabo ba seng ba fumanwe ha noka ya nako e ntse e shesha. Motho ofe kapa ofe ya nang le thahasello mona a ka ikopanya le Mohokanyi neng kapa neng hore a fumanne lesedi le leng le fetang mona.
DITABA
Ho rerilwe hore ho tshwarwe wekshopo e ikgethang ha Motsheanong e hlola matsatsi a 22 selemong sa 2002 Pretoria. Dula o fadimehile hore o tle o fumane dintlha tsa pitso ena.
Dibaka tse amehang tsa HLT
Afrika Borwa
Setsi sa Theknoloji ya Puo le Polelo sa Afrika Borwa
Mokgatlo wa Theknoloji ya Ntshetsopele ya Puo le Polelo wa Afrika Borwa
Morero wa Theknoloji ya Polelo wa Afrika
Tsa Matjhaba
Setsi sa Theknoloji tsa Puo ya Batho
Marangrang a Theknoloji ya Polelo
Marangrang a Yuropo a Bohlwahlwa Theknolojing ya Puo
Pehelo ya ditaba
Ho ile ha nehelwanwa ka pehelo a ditaba Lekgotleng la PANSALB mohla la 15 Hlakola selemong sa 2002. Pehelo ena ya ditaba e nehelana ka mohlala wa seabo se lohothwang sa Diyuniti tsa Setjhaba tsa Leksikhokrafi bakeng sa ntshetsopele ya Theknoloji tsa Puo ya Batho ho l a Afrika Borwa.
Dinyehelo le eo o ka ikopanyang le yena
Ho tla amohelwa dinyehelo tse tswang ho motho ofe kapa ofe ya nang le thahasello ditabeng tsena.
